13 февр. 2014 г.
Ինչո՞ւ Երևանում չցուցադրվեց «Նիմֆոմանուհին» ֆիլմը. իմ պատասխանը
Ինչո՞ւ եմ ընտրել լրագրողի մասնագիտությունը
Վերնագրային հարցին կարճ պատասխան
տամ և անցնեմ բացատրությանը... լրագրությունն ընտրել եմ, քանի որ այն մոտ է ֆուտբոլին,
այն մոտ է սպորտին:
Բավականին վաղ տարիքում, երբ
ֆուտբոլային մանկական կարիերաս պետք է թևակոխեր ծաղկման և առաջխաղացման փուլ, երբ առաջին
մեդալներս ու պատվոգրերս զարդարում էին ննջասենյակս ու զարմացնում բարեկամներիս, բժիշկները
որոշեցին և ինձ հայտնեցին... խաղակոշիկները կախել մեխից...
Ինձ համար այս բեկումնային
օրվանից անցել է 6 տարի... այսօր եմ միայն հասկանում, որ ինչ-որ բանի ավարտը միշտ էլ
մի նոր բանի սկիզբ է... այնինչ 6 տարի առաջ ես ցանկանում էի... որ աշխարհից անհետանան
բոլոր բժիշկները: Ֆուտբոլիստի կարիերային ցտեսություն ասելը դժվար էր, բայց ոչ անհնարին...
մոռացման տարիներ և մասնագիտության ընտրության խնդիր:
Ամբողջ մանկությունս անցել է ֆուտբոլի գրկում, ֆուտբոլային մարզաշապիկների
մեջ, քնել եմ անգամ գնդակի, մրցաշարային աղյուսակների և պաստառների հետ... արտասվել
եմ ֆուտբոլիստների, նյարդայնացել մարզիչների ու «գոլ» գոռացել երկրպագուների
հետ... լա՛վ, ի՞նչ անել, որպեսզի մոտ լինել ֆուտբոլին, գոնե սպորտին... հավերժահարցին
«մարզական լրագրություն» բառակապակցությամբ պատասխանեցի: Իրականում չէի պատկերացնի,
որ այսպես ֆուտբոլին մոտ կլինեմ, սակայն ես իրապես մոտ եմ, ես լիաբավություն եմ զգում
այս մասնագիտության շնորհիվ...
Ես իրոք հասկանում եմ... ինչ-որ բանի ավարտը միշտ էլ նորի սկիզբն է միայն...
9 февр. 2014 г.
129 տարի... հոգեվիճակիս, ապրելակերպիս ծնունդից անցել է 129 տարի
... սիրել եմ մի քանի անգամ... առաջին սեր... դժվար է սիրել և միաժամանակ չապրել Տերյանի բանաստեղծություններով... տեսիլքներ, երազներ... ես ուղղակի ապրում եմ Ձեզնով, Տերյա՛ն... ապրելակերպ, հոգեվիճակ և ... ամեն ինչ...
129 տարի... մեծագույնի ծննդյան օրվանից անցել է 129 տարի
4 февр. 2014 г.
Կեղծ ես, անօգնականս
Հիշում եմ՝ երբ կողքիս էիր ժպիտդ թաքցնելու անգամ փորձ չէիր անում... իսկ հիմա թեթև ժպիտ ու անօգնական մռայլությամբ կձևացնես, թե իբր տխուր ես... այո՛, տխուր ես, բայց ձևական... ձևական հպարտ ես դու, ա-նօգ-նա-կա՛-նըս...
Լուսանկարը՝ Tamara Martens-ից
Подписаться на:
Сообщения (Atom)